29 mar 2020

ACTIVIDADE ARTÍSTICA PARA INFANTIL E PRIMARIA, semana 3: actividade única.

Ola rapaciñas/os, que tal imos levando estes días na casa? Espero que todas/os encontredes ben, que é o mais importante, e estedes disfrutando deste tempo tan especial coas vosas familias. 

Para esta semana imos facer algo diferente, xa que é a última antes das vacacións e de que empece o 3º trimestre. Esta semana só faremos unha actividade, imos crear unha radio. Dependendo de cantos alumnas/os participedes poderemos crear un ou varios podcast (programa de radio), o ideal sería que participedes todas/os e así crear un podcast por aula.

A vosa parte consistirá en gravar un audio e envialo ao email alumnarte@gmail.com, e a miña en pegar todos eses audios e facer o podcast. Sempre que sexa posible, o audio gravarase en galego.

¿De que podedes falar? Primeiro de todo tedes que presentarvos, dicir quen sodes e en que curso estades, despois podedes falar sobre:

Mandar saúdos en diferentes linguas (decir cales).
Investigar sobre instrumentos folclóricos e contalo.
Contar cousas bonitas que fixéchedes no cole este trimestre.
Saúdos a compañeiros, amigas/os, mestras/es, familia,...
Contarnos algo do que estades facendo estes días.
Recomendacións de actividades, lecturas, música, receitas,...
Gravarvos tocando algún instrumento ou cantando.
Ler algún poema.
Das actividades que vos apetece facer no próximo trimestre.
Contar algunha adeviña.
Contar que será o primerio que fagades cando voltedes ao cole.
etc.

E por último... non vos esquezades da despedida! ;-)



No hay comentarios:

Publicar un comentario